नेपाल वातावरण पत्रकार समूहले बनाएको वृत्तचित्र 'पहिचानको खोजीमा धिमाल' चौथो नेपाल अन्तरराष्ट्रिय आदिवासी चलचित्र महोत्सवमा स्पेशल मेन्सन अवार्डबाट पुरस्कृत भएको छ । विराटनगरलाई केन्द्र बनाएर टेलिभिजन पत्रकारिता गरिरहेका पत्रकार मोहन मानन्धरले निर्देशन गर्नुभएको वृत्तचित्रले आधुनिकतासँगै मासिन लागेको धिमाल भाषा, संस्कृति, परम्परा तथा मेटिन लागेको जातीय पहिचानका विविध पाटालाई समेटेको छ ।